Алматыда қазақ күресінен командалық жарыс өтті

Алматы қаласында қазақ күресінен КСРО спорт шебері, Қазақстанның Еңбек сіңірген жаттықтырушысы Амангелді Исмағұловты еске алу турнирі аяқталды. Жарысқа 5 салмақ дәрежесі бойынша қаланың жоғары оқу орындарының студенттері қатысты. Бас жүлдені Қазақ спорт және туризм академиясы иеленді. Олар финалда Қ.И.Сәтбаев атындағы Қазақ Ұлттық техникалық университетінтің студенттерін жеңді. Ал, қола медальді ІІМ академиясының палуандары жеңіп алды. Ұйымдастырушылар болашақта турнирді республикалық дәрежеде өткізуді жоспарлауда.