Қазақ күресі федерациясы ресми түрде Конфедерацияның құрамына кірді

Қазақстан Республикасының қазақ күресі Федерациясы ресми түрде Спорттық жекпе-жек және күш қолданылатын спорт түрлері Конфедерациясының құрамына кірді, деп хабарлайды Конфедерацияның баспасөз қызметі. 2015 жылдың мамыр айында Қазақ күресі Федерациясының есептік конференциясында Конфедерацияның құрамына кіру туралы шешім қабылданған. Бұл шешімді Конфедерацияның жалпы жиналысында оның мүшелері бірауыздан құптады. Осылайша, Қазақ күресі Федерациясы Конфедерацияның 6-шы мүшесі атанды. Айта кетейік, спорттық жекпе-жек және күш қолданылатын спорт түрлері Конфедерациясы 2012 жылы құрылған. Оның төрағасы – Тимур Құлыбаев. Қазір Конфедерацияда бокс, грек-рим, еркін және әйелдер күресі, дзюдо, таеквондо (WTF) және ауыр атлетика федерациялары бар.