CNN: Оң қолдарына бүркіт қондырған қазақстандық бүркітшілер нағыз еркекке тән батылдығымен ғажайып әсер қалдырады

Ұлттық киімдерін киіп, оң қолдарына бүркіт қондырған қазақстандық бүркітшілер сәнімен, ерекшелігімен, сондай-ақ нағыз еркекке тән батылдығымен ғажайып әсер қалдырады, деп жазды АҚШ-тың CNN телеарнасы. Кейбіреулерінің биіктігі 1 метрге дейін жететін бүркіттер бүркітшілердің қолында отырады. Шыңғысхан басқарған заманнан бастап қазақтарда аңшылықта қыран құсын пайдалану дәстүрі қалыптасқан. Белгілі орнитолог және құстарды жаттықтырушы Павел Пфандердің сөзіне қарағанда, «аңшылықта құстарды пайдалану ерекше өнер және мұнымен негізінен Қазақстанда және көршілес Қырғыз елінде айналысады». Сонымен қатар, орнитолог қазіргі уақытта Қазақстанда шамамен 50 адам жабайы құстарды жаттықтырумен айналысатынын атап өтті. Қазақтың қыранмен аң аулау дәстүріне деген қызығушылық артқандықтан Қазақстанда Алматы қаласы маңындағы «Сұңқар» питомнигі қаржыландырылады.