Жеңісбек Серікұлы асау үйретуден Моңғолия чемпионы атанды

Моңғолия Прьемер-министрінің қолдауымен ұйымдастырылған «Адуучин 2015» сайысына Моңғолияның түпкір-түпкірінен таңдаулы жылқышылар қамшы ілу, жаяу және атпен шалма салу, құрықтаудан және асау үйретуден бақтарын сынады. Ат құлағында ойнайтын азаматтар қатысқан сайыс тартысты өтті. Аталмыш сайысқа Баян-Өлгий аймағының атағы мен абыройын қорғауға аттанған Сагсай жылқышысы Жеңісбек Серікұлы асау үйретуден қарсыластарынан озып, ел біріншілігінің чемпионы атанды. Естеріңізге сала кетейік, өткен жылғы ел біріншілігінде Ногооннуурлық М.Жеңісбек осы асау үйрету сайысында топ жарған болатын. ulttyqsport.kz