Қазақстандық Отгонцэцэг Галбадрах қарсыласынан басым түсті (ВИДЕО)

Рио-де-Жанейрода дзюдодан 48 келі салмаққа дейінгі дәрежеде өткен қыздар арасындағы белдесуде отандасымыз Отгонцэцэг Галбадрах қарсыласынан басым түсті. Гвинея-Бисаулық Тациана Лимамен белдескен дзюдошымыз алғашқы минуттарда қарсыласының әдісіне түсіп қалды. Алайда, Галбадрах дер кезінде жинақылық танытып, таразы басын теңестіріп үлгерді. Жалпы 5 минутқа ұласқан белдесудің қосымша уақытында отандасымыз белсенді әрекет етіп, өз қарсыласының төреші тарапынан ескерту алуына мәжбүрледі. Нәтижесінде кездесу жерлесіміздің пайдасына шешілді.