Дзюдошы Елдос Сметов Рио Олимпиадасының күміс жүлдегері атанды

60 келіге дейінгі салмақта белдесетін отандасымыз финалда ресейлік Беслан Мудрановтан жеңілді. Елдос алғашқы белдесуінде ливиялық Мохаммед Элькависті иппонмен, екінші айналымда ұлыбританиялық Эшли Маккензиді, ширек финалда өзбек Диорбек Уразбаевты жеңген болатын. Айта кетейік, Олимпиада ойындарында Қазақстан құрамасы әзірге 2 медаль (1 күміс 1 қола) еншіледі. Қазақ елінің құрамасы жалпыкомандалық есепте 8-орында тұр.