Бүгін бақ сынайтын қазақстандық спортшылар

Бүгін Рио ойындарында бақ сынайтын жерлестеріміздің арасында дзюдошы Жансай Смағұлов бар. Дзюдошылар сайысын 18:55-те «KazSport» телеарнасынан, 00:25-те «Қазақстан» Ұлттық арнасынан тамашалай аласыздар. Сондай-ақ, жүзуден Екатерина Руденко мен Дмитрий Баландин бақ сынайды. Жарысты 21:55-те «KazSport» телеарнасы көрсетсе, 06:55-те «Қазақстан» Ұлттық телеарнасы назарларыңызға ұсынады. Ал, академиялық ескек есуден Светлана Германович пен Владислав Яковлев сынға түседі. Жарысты 02:45-те «KazSport» телеарнасынан көре аласыздар. Ауыр атлетика бойынша жерлесіміз Арли Чонтей бақ сынайды. Қазақстандық зілтеміршінің жарысын 03:55-те «Қазақстан» Ұлттық телеарнасынан көріңіз. Жерлестерімізге сәттілік тілейміз!