2013 жылғы әлем чемпионы Біржан Жақыповтың қарсыласы анықталды

Қазақстандық былғары қолғап шебері Біржан Жақыповтың Олимпиада ойындарындағы алғашқы қарсыласы анықталды. Айта кетейік, 49 келіге дейінгі салмақта өнер көрсететін 2013 жылғы әлем чемпионы Біржан Жақыпов Риодағы жарыс жолын екінші айналымнан бастайды. Ол намибиялық Маттиас Хамуньелмен кездеседі. Африкалық боксшы бірінші кездесуде әзірбайжандық Руат Хусейновті ұпай санымен жеңген болатын. Жақыпов пен Хамуньел арасындағы жекпе-жек ертең, 8 тамыз күні өтеді. Естеріңізге сала кетейік, қазіргі таңда Қазақстан қоржынында 2 медаль бар. Елдос Сметов дзюдодан Олимпиада ойындарының күміс жүлдесін иеленсе, Отгонцэцэг Галбадрах қола медальді жеңіп алды.