Біржан Жақыпов алғашқы кездесуін жеңіспен бастады

Рио-де-Жанейрода өтіп жатқан ХХХІ Жазғы Олимпиада ойындарында 49 келі салмақта ел намысын қорғайтын қазақ боксшысы Біржан Жақыпов алғашқы кездесуін жеңіспен бастады. Отандасымыз 23 жастағы намибиялық боксшы Маттиас Хамуньелді 3:0 (29:28, 30:27, 30:27) есебімен жеңіп, 1/8 финалға өтті. Оның ендігі қарсыласы - 23 жастағы Өзбекстан өкілі Хасанбой Дусматов. Айта кетейік, жарысты ертең Астана уақытымен сағат 10:00-де «Қазақстан» Ұлттық телеарнасы көрсетеді.