«Qazsport» футболдан Қазақстан чемпионатының төртінші турын тікелей эфирде көрсетеді

Бүгін, 18 тамызда футболдан Қазақстан чемпионатының төртінші тур матчтері өтеді.

Ойынның алғашқы күнін ақтаулық «Каспий» мен алматылық «Қайрат» Талғарда бастайды. Матчтің басталуы сағат 17:00 (Нұр-Сұлтан уақытымен).

19:00-де Алматы Орталық стадионында «Жетісу» - «Ордабасы» ойыны өтеді.

21:00-де «Тараз» бен «Қызыл-Жар СК» Алматыдағы «Жас Қыран» алаңында кездеседі.

Матчтерді «Qazsport» арнасы тікелей көрсетеді. Трансляция телеарнаның сайтында қолжетімді.

«Шахтер» мен «Қайсар» арасындағы төртінші турдың тағы бір матчі 19 тамызда өтеді.

«Астана» Чемпиондар лигасының бірінші іріктеу кезеңінде қатысатындықтан, бұл турда ойнамайды.