«Qazaqstan» және «Qazsport» телеарналары Олимпиада ойындарының жабылу салтанатын көрсетеді

ХХХІІ Жазғы Олимпиада ойындары мәресіне жетті. Жапония астанасы Токиода өткен спорттық шараға әлемнің 205 мемлекетінің өкілдері қатысты.

Қазақстан құрамасы бұл Олимпиада ойындарында 8 қола жүлдеге ие болды. Ұлттық құрама сапынан жүлдені боксшылар - Сәкен Бибосынов пен Қамшыбек Қоңқабаев, ауыратлеттер - Игорь Сон мен Зульфия Чиншанло, дзюдошы - Елдос Сметов, каратэшілер - Дархан Асаділов пен Софья Берульцева және еркін күрес балуаны - Нұрислам Санаев иеленді.

Қазақстан жалпы командалық есепте 83-орынға табан тіреді

Токио Олимпиадасының жабылу салтанатын «Qazaqstan» және «Qazsport» арналарынан 16:15-те тамашалыңыздар!