Футболдан Қазақстан ұлттық құрамасының 2022 жылғы Әлем Чемпионатына іріктеу матчтарын тікелей эфирде 770 мыңға жуық қазақстандық тамашалаған.
Қыркүйек айының басында футболдан Қазақстан ұлттық құрамасы ӘЧ іріктеу матчтарын өткізді. Тартысқа толы кездесулерді "Qazaqstan" және "Qazsport" арналарынан 770 мың көрермен тамашалаған. Барлық кездесуді Qazsport телеарнасы тікелей эфирде көрермен назарына ұсынды. Оның ішінде 680 мыңға жуық көрермен теледидар арқылы тікелей эфирден тамашаласа, одан бөлек 90 мың көрермен арнамыздың ресми сайты Qazsporttv.kz арқылы ұлттық құрамаға жанкүйерлік етті.
Ұлттық құрамамыз Әлем Чемпионатына іріктеу аясында 1 қыркүйек күні өз алаңымызда Украинамен жолықса, 4 қыркүйек күні Финляндия, 8 қыркүйек күні Босния және Герцеговинамен сырт алаңда кездесті.
Естеріңізге сала кетейік, Талғат Байсуфинов шәкірттерінің еншісінде 5 ойыннан кейін 3 ұпай бар.
Ұлттық құраманың 9 қазан Босния және Герцеговина, 12 қазан Финляндиямен өз алаңымызда болатын матчтарын "Qazaqstan" және "Qazsport" арналарынан көрерменге тікелей эфирде көрсету жоспарланған.
