Талғат Байсуфинов Қазақстан құрамасының бас бапкері қызметінде қалады

Қазақстан ұлттық құрамасының бас бапкері Талғат Байсуфинов өз қызметінде қала бермек. Соңғы ақаратқа сәйкес Талғат Маруанұлы келісімшартын бір жылға ұзартады.

53 жастағы маманның басшылығымен Қазақстан құрамасы 2022 жылғы Әлем чемпионатының іріктеу кезеңін бесінші орынмен аяқтап, ФИФА рейтингінде 119-шы орында.

Қазақстан құрамасын 2022 жылдың наурыз айында Ұлттар Лигасының С дивизионында қалу үшін Молдова құрамасымен өтпелі ойын күтіп тұр. Ойын 24 және 29 наурызға жоспарланған.