Қазақстан құрамасы Еуропа чемпионатында жеңіске жетті

Нидерланд мемлекетінде өтіп жатқан футзалдан Еуропа чемпионатында Қазақстан құрамасы Финляндияны 6:2 есебімен жеңді. Ойын барысында екі рет есепте артта тұрған Кака шәкірттері есепті, теңестіріп қана қоймай Еуропа біріншілігінде жарқын жеңіске қол жеткізді. Қазақстан құрамасының сапында Біржан Оразов пен Арнольд Кнауб дубль авторы атанса, Азат Валиуллин және Игита гол авторлары атанды. Осылайша Қазақстан құрамасы 4 ұпай жинап, В тобының көшін бастады. В тобындағы Словения - Италия арасындағы ойын 2:2 есебімен аяқталды. 

Айта кетейік Қазақстан құрамасының капитаны Игита Финляндия құрамасының қақпасына гол соғып, үш Еуропа чемпионатында гол соққан алғашқы қақпашы атанды.

Қазақстан құрамасы 28 қаңтар күні Италия құрамасымен ойнайды. Еуропа біріншілігінің барлық ойындарын «Qazsport» телеарнасының эфирінен көріңііздер.