Қазақстандық паралимпиадашылардың 05 наурыз күнгі нәтижесі

Паралимпиада ойындарында пара биатлон жарысында отырып сырғанаудан сынға түскен Сергей Усольцев мәре сызығын 15-ші болып кесті. Ал Ербол Хамитов 16-орын алды.

Сергей Усольцев 8 наурыз күні пара биатлоннан 10 шақырымдық отырып сырғанау бәсекесіне қатысса, Ербол Хамитов 6 наурыз күні 18 шақырымдық пара шаңғы жарысына қатысады.

Александр Герлиц 6 шақырымға тұрып сырғанау бәсекесінде 8-орын алды. Енді спортшымыз 8 наурыз күні пара биатлон жарысында 10 шақырымдық тұрып сырғанаудан бақ сынайды.