Чемпиондар Лигасында ширек финалға шыққан ұжымдар белгілі

Чемпиондар Лигасыны алғашқы ширек финалистері белгілі болды. Мюнехендік  «Бавария» австриялық «Зальцбургті» 7:1 есебімен жеңіп, еш қиындықсыз келесі кезеңге жолдама алды.  «Альянц Арена» стадионында өткен ойында Роберт Левандовский хет-трик авторы атанса, Томас Мюллер екі гол соқты, тағы бір гол Серж Гнабридің еншісінде. Австрияда өткен ойында екі команда 1:1 есебімен тең тарқасқан болатын. Осылайша Юлиан Нагельсманның командасы алғашқылардың бірі болып ширек финалдың қатысушысы атанды.

1/8 финалдың екінші ойыны Ливерпуль қаласында болды. Жергілікті «Энфилд» стадионында миландық «Интер» Юрген Клопптың шәкірттерін 1:0 есебімен жеңгенімен алғашқы ойында 2:0 есебі «Ливерпульдің» пайдасына тіркелді. Екі ойынның қорытындысы бойынша англиялық клуб Чемпиондар Лигасының ширек финалына жолдама алды.