Қазақстандық көркем гимнасшылар «Афродита» Кубогына қатысады

11-13 наурыз күндері Грекияның Палеон-Фалирон қаласында көркем гимнастикадан «Афродита» кубогы халықаралық турнирі өтеді. Аталмыш додада қазақстандық спортшылар да бақ сынайды.

Грекия төрінде ел намысын Сабина Бакатова, Дильназ Байленова, Роза Абитова, Баян Қойбағар, Милана Парфилова, Эрика Жайлауова, Аружан Укошева, Айым Мейіржанова, Ақсұңқар Әбдірахман, Аружан Кальсаева, Софья Куряченко қорғайды.

Құрама сапындағы Сабина Бакатова 2019 жылы Тайландта өткен жасөпірімдер арасындағы Азия чемпионатының жеңімпазы екенін айта кетейік.