Игорь Чжан Азия чемпионы атанды

Қазақстандық велошабандоз Игорь Чжан Душанбедегі Азия Чемпионатында 176 шақырымдық бәсекеде топ жарып, Қазақстан қоржынына жетінші алтын жүлдені салды.

Жарсыстың күміс жүлдесін жапониялық Нариюки Масуда еншілесе, қола жүлде Жамбалжамц Ерденабатқа (Моңғолия) бұйырды.

Осылайша Қазақстан құрамасы сары құрлық біріншілігін 7 алтын, 8 күміс және 5 қола медальмен аяқтады.