Әлем чемпионатының жеребе тарту рәсімі «Qazsport» телеарнасының тікелей эфирінде

Бүгін, 1 сәуірде футболдан Катардағы Әлем чемпионатының жеребе тарту рәсімі өтеді. Дохадағы Көрме залында жоспарланған шарада финалдық сынға жолдама алған 32 құрама 8 топқа бөлінеді. Әзірге бұл кезеңде өнер көрсететін 29 құрама белгілі. Қалған 3 құрама соңғы іріктеу кезеңінен кейін нақтыланады.

Футболдан 2022 жылғы Әлем чемпионаты Катар мемлекетінің 5 қаласында өтеді. Сонымен қатар футбол тарихында алғаш рет матчтар қыс айларында ойналады. 21 қараша мен 18 желтоқсан аралығында өтетін жарыстарды Катардың 8 стадионы қабылдайды.

Бүгін сағат 22:00-де «Qazsport» телеарнасының тікелей эфирінен Әлем чемпионатының жеребе тарту рәсімін назарларыңызға ұсынамыз.

Салтанатты спорт шарасын комментаторлар Ерсін Ерік пен Дидар Қадыров жүргізеді.