«Реал Мадрид» және «Вильярреал» Чемпиондар Лигасының жартылай финалына жолдама алды

«Сантьяго Бернабеу» стадионы Мадрид

«Реал Мадрид» (Испания) - «Челси» (Англия) 2:3 (бірінші ойын 3:1)

Голдар: М.Маунт - 15' (0:1), А.Рюдигер - 51' (0:2), Т.Вернер - 75' (0:3), Родриго - 80' (1:3), К.Бензема - 96' (2:3)

Бүгін Чемпиондар Лигасының кезекті ойын күнінде Карло Анчелотти шәкірттерінің қарсыласы анықталады. Мадридтегі «Ванда Метрополитано» стадионында «Атлетико» англиялық «Манчестер Ситиді» қабылдайды. Бір апта бұрын Манчестерде өткен ойында Хосеп Гвардиола шәкірттері минималды есеппен (1:0) жеңіске жеткен болатын. Ойынды Нұр-Сұлтан уақыты бойынша сағат 00:50-де «Qazsport» телеарнасынан тамашалай аласыздар.

«Альянц Арена» стадионы, Мюнхен

«Бавария» (Германия) - «Вильярреал» (Испания) 1:1 (бірінші ойын 0:1)

Голдар: Р.Левандовский - 52' (1:0), С.Чуквуезе - 88' (1:1)

Чемпиондар Лигасында испаниялық клубтың жартылай финалдағы қасыласы Энфилд стадионында «Ливерпуль» мен «Бенфика» арасындағы ойында анықталады. Лиссабон қаласында өткен алғашқы ойында Юрген Клопп шәкірттері 3:1 есебімен жеңіске жеткен. Аталған ойынды                  бүгін 00:50-де «Qazaqstan» ұлттық арнасынан тамашалай аласыздар.