«Qazsport» телеарнасы грек-рим күресінен Ж. Үшкемпіровты еске алуға арналған халықаралық жарысты тікелей эфирде көрсетеді

Нұр-Сұлтанда Жақсылық Үшкемпіровті еске алуға арналған жасөспірімдер арасында грек-рим күресінен халықаралық турнир басталды.

Жарыс Олимпиада чемпионы, КСРО-ның еңбек сіңірген спорт шебері, Әлем чемпионы, «Қазақстанның Еңбек Ері» Жақсылық Үшкемпіровтің құрметіне өтуде.

Турнирге Қазақстанның әр өңірінен 300-ден астам спортшы қатыспақ, сонымен қатар ТМД елдерінен (Тәжікстан, Қырғызстан, Өзбекстан, Иран) жас спортшылар қатысады деп күтілуде.

Спортшылар -55, -60, -63, -67, -72, -77, -82, -87, -97 және 130 келі салмақ дәрежесінде бақ сынайды.

Турнир 3-5 мамыр аралығында Ж.Үшкемпіров атындағы жекпе-жек сарайында өтеді.

Тікелей трансляция кестесі:

3 мамыр. 11:00 – 55,63,77,82, 97 келі – іріктеу белдесуі

3 мамыр. 16:30 – 55,63,77,82, 97 келі – финалдық белдесулер

4 мамыр. 11:00 – 60,67,72,87, 130 келі – іріктеу белдесуі

4 мамыр. 16:00 – 60,67,72,87, 130 келі – Ашылу салтанаты, жартылай финалдық белдесулер

5 мамыр. 11:00 – 60,67,72,87, 130 келі – жартылай финалдық белдесулер

5 мамыр. 12:30 – 60,67,72,87, 130 келі – финалдық белдесулер