«Qazsport» телеарнасында жаңа реалити-шоу - «Super Bol!»

Алғаш рет ұйымдастырылып жатқан «Super Bol!» жобасының мақсаты - футболшы болғысы келетін әуесқой ойыншыны кәсіпқой спортшыға айналдырып, үлкен футболға жолдама беру!

Еліміздің 8 қаласында өткен реалити-шоудың іріктеу кезеңіне барлығы 6000-ға жуық үміткер қатысты. Іріктеуден өткен 16-24 аралығындағы 50 жас ойыншы финалдық кезеңде бақ сынайды.

Ойыншылардың одан әрі кәсіби деңгейге көтерілуіне Давид Лория, Самат Смақов сынды бұрынғы футболшылар көмектеседі.

Реалити-шоудың алғашқы шығарылымы 9 шілде күні cағат 19:00-де арнамыздың эфирінде көрсетіледі.

Аталған жоба Ақпарат және қоғамдық даму министрлігінің тікелей қолдауымен жүзеге асып жатыр. Реалити-шоу қатысушыларына қойылатын басты талап: кәсіби клубтар және академиялармен келісім-шарттың болмауы.

Финалдық ойынға: «Партизан» (Сербия), «Галатасарай» (Турция), «Лудогорец» (Болгария), «Мальме» (Швеция), «Динамо» (Хорватия), «Брага» (Португалия), «ПАОК» (Грекия) сияқты халықаралық футбол клубтарының өкілдері шақырылады.

Отандық арнада тұңғыш рет ұйымдастырылып тұрған «Super Bol!» реалити-шоуының алғашқы шығарылымын «Qazsport» телеарнасынан өткізіп алмаңыз!