Софья Берульцева Дүниежүзілік ойындардың жеңімпазы атанды

Бирмингем (Алабама штаты, АҚШ) қаласында басталған дүниежүзілік ойындарда Қазақстан құрамасының қоржынына алғашқы алтын жүлде түсті.

Әйелдер арасында каратэден +68 келі салмақ дәрежесінде сынға түскен Софья Берульцева финалдық сында испаниялық Мария Гарсияны 7:1 есебімен жеңіп, жарыс жеңімпазы атанды.

Дүниежүзілік ойындар Олимпиада ойындарының бағдарламасына кірмейтін спорт түрлерінен өтетін жарыс. АҚШ-тың Алабама штатында орналасқан Бирмингем қаласында өтіп жатыр. Жарыс 17 шілдеге дейін жалғасады.