Дүниежүзілік ойындарда Қазақстан құрамасының қоржынына екі жүлде түсті

Бирмингем (Алабама штаты, АҚШ) қаласында өтіп жатқан Дүниежүзілік ойындарында Қазақстан құрамасы 1 күміс және 1 қола медаль еншіледі.

Галина Дуванова джиу-джитсудан финалдық сында Израиль спортшысына есе жіберсе, Даниэль Диль мен Вадим Шуляр спорттық акробатикадан жарыстың қола жүлдегері атанды. Осылайша ұлттық құрама спортшылары 1 алтын, 1 күміс және 1 қола жүлде еншілеп, бейресми командалық есепте 36-орында.