«Qazaqstan» және «Qazsport» телеарналары УЕФА Конференция Лигасындағы қазақстандық клубтардың төрт ойынын тікелей эфирде көрсетеді.

Конференция Лигасының 2-ші іріктеу кезеңінің алғашқы ойындары 21 шілде күні өтсе, қарымта ойындар 28 шілдеге жоспарланған.

«Қызыл-Жар» футбол клубы хорватиялық «Осиек» командасымен кездеседі. Ойын елорда уақыты бойынша сағат 17:50-де «Qazsport» телеарнасының тікелей эфирінде көрсетіледі. Комментаторлар: Дәулет Сейітбек пен Ербол Қаиров.

Қостанай қаласында жергілікті «Тобыл» гибралтарлық «Линкольн Ред Импс» ұжымын қабылдайды. Бұл ойынды сағат 19:50-де «Qazsport» телеарнасының тікелей эфирінен тамашалай аласыздар. Ойынның комментаторлары: Еламан Әмірғазы және Әділет Құсайынов.

Алматы қаласының «Орталық» стадионында «Қайрат» венгриялық «Кишварданы» қабылдайды. Ойын сағат 19:50-де «Qazaqstan» ұлттық арнасының тікелей эфирінде көрсетіледі. Трансляция тізгінінде: Есей Жеңісұлы және Әлімжан Асқар.

Польшалық «Ракув» өз алаңында елордалық «Астана» футбол клубымен кездеседі. Ойынды сағат 00:50-де, тікелей эфирде «Qazsport» телеарнасынан тамашалай аласыздар. Трансляция комментаторлары: Ермұхаммед Мәулен мен Дидар Қадыров.