Азамат Дәулетбеков Әлем Чемпионатының жартылай финалына шықты
86 келі салмақ дәрежесінде сынға түскен Азамат, ширек финалда Токио Олимпиадасының қола жүлдегері Амине Майлсты (Сан-Марино) 9:1 есебімен жеңіп, Сербияда өтіп жатқан Әлем Чемпионатының жартылай финалына жолдама алды.
Жартылай финалдық бәсекелер елорда уақытымен сағат 20:45-те qazsporttv.kz сайтында болады.
Сонымен қатар, кешкі сессияда әйелдер күресінен 72 келіде Жамилә Бақбергенова финалдық белдесуде Амит Елормен (АҚШ) Әлем Чемпионы атағын сарапқа салады. Финалдық кездесулерді «Qazsport» телеарнасының тікелей эфирінен тамашалай аласыздар.
