«Qazsport» телеарнасы ХХХ Дүниежүзілік Қысқы Универсиаданы тікелей эфирде көрсетеді

12-22 қаңтар аралығында Лэйк-Плэсид (АҚШ) қаласында Дүниежүзілік Қысқы Универсиада өтеді. Әлемдік додаға 50 елден 1 443 атлет (832 ер, 611 әйел) қатысады деп күтілуде. Студенттер спорттың 12 түрінен 86 жүлде жиынтығын сарапқа салады.

Халықаралық жарыста Қазақстан намысын 78 спортшы қорғайды.

Бұған дейінгі Универсиада ойындарында ел намысын қорғаған студенттердің ең үздік нәтижесі нәтижесі 2017 жылы Алматыда тіркелді. Өз еліміздегі жарыста 11 алтын, 8 күміс пен 17 қола (барлығы 36) медальмен Қазақстан жалпы командалық есепте екінші орын алған еді.

ХХХ Дүниежүзілік Қысқы Универсиаданың трансляция кестесі «Qazsport» телеарнасының әлеуметтік желілеріне күнделікті жарияланады.