Қазақстан құрамасы - Универсиаданың қола жүлдегері

Хоккейден Қазақстан құрамасы ХХХІ Дүниежүзілік Қысқы Универсиада ойындарының қола жүлдегері атанды. 

 Қола жүлде үшін өткен ойында ұлттық құрама жігіттері Жапониямен кездесіп, 8:1 есебімен жеңіске жетті.

Универсиада алтынын Канада және АҚШ құрамалары сарапқа салып, үйеңкі жапырақты елдің өкілдері 7:2 есебімен жеңіске жетті. Осылайша, Канада Универсиада жеңімпазы болды. АҚШ күміс жүлдегер.

Ел құрамасының қоржынында 3 алтын, 4 күміс, 4 қола жүлде бар. Универсиада алтынын биатлоншылар Вадим Куралес пен Бекентай Тұрлыбеков және шаңғымен тұғырдан секіруші Данил Васильев еншіледі.

Жалпыкомандалық есепте 21 алтын жүлде алған Жапония құрамасы көш бастады. Екінші орын Оңтүстік Кореяға бұйырса, Канада үшінші орынға тұрақтады.