Бибісара Асаубаева Norway Chess Women турнирінде көш бастап тұр

Қазақстандық шахматшы Бибісара Асаубаева беделді Norway Chess Women халықаралық турнирінің бас жүлдесіне бір табан жақындады.

Сегізінші турда ол өзінің басты бәсекелестерінің бірі үндістандық Дивья Дешмукхты жеңді.

Посмотреть эту публикацию в Instagram

Публикация от Norway Chess (@norway_chess)

Жарыстың мәресіне екі тур қалғанда, 15,5 ұпай жинаған Бибісара Асаубаева турнир кестесінде сенімді түрде дара көш бастап келеді.

Оның соңынан 10,5 ұпаймен украиналық Анна Музычук орналасты. Келесі турда Асаубаева дәл осы қарсыласымен шеберлік байқасады.