Бибісара Асаубаева Norway Chess Women 2026 турнирінің чемпионы атанды

Қазақстандық шахматшы Норвегияның Осло қаласында өткен Norway Chess 2026 турнирінің әйелдер арасындағы жарысында жеңімпаз атанды.

Посмотреть эту публикацию в Instagram

Публикация от Norway Chess (@norway_chess)

Турнирдің 9-турында отандасымыз украиналық Анна Музычукпен кездесті. Негізгі партия тең аяқталып, жеңімпаз армагеддонда анықталды. Осы нәтижеден кейін Бибісара жарыс аяқталуына бір тур қалғанда мерзімінен бұрын чемпиондықты қамтамасыз етті.

Посмотреть эту публикацию в Instagram

Публикация от Norway Chess (@norway_chess)

Бұл жарысқа әлемнің ең үздік алты шахматшысы қатысты. Олардың қатарында қазіргі әлем чемпионы Цзюй Вэньцзюнь, әлем рейтингінің көшбасшылары Чжу Цзиньэр, Хампи Конеру, Анна Музычук және Дивья Дешмукх болды.

Посмотреть эту публикацию в Instagram

Публикация от Norway Chess (@norway_chess)

Айта кетейік, Norway Chess Women турниріне алғаш рет қатысқан Бибісара бүкіл дода барысында тұрақты ойын көрсетіп, басты қарсыластарын артта қалдырды. Қорытынды есепте ол 16,5 ұпай жинап, турнирдің бас жүлдесін иеленді.