Зарина Раифова мен Ақтолқын Сейілбекова V Пара Азия ойындарының чемпионы атанды

V Жазғы Пара Азия ойындарында пара дзюдодан Қазақстан құрамасының екі өкілі алтын медаль жеңіп алды.

J2 санатында +70 келіге дейінгі салмақта сынға түскен Зарина Раифова барлық төрт қарсыласын жеңіп, жарыс чемпионы атанды.

Ал J1 санатында +70 келі салмақ дәрежесінде өнер көрсеткен Ақтолқын Сейілбекова да топ жарып, Қазақстан қоржынына тағы бір алтын медаль қосты.

Осылайша, қазақстандық пара дзюдошылар Аичи–Нагоядағы Азия Пара ойындарында екі алтын жүлдеге қол жеткізді.