«Астана» өз алаңында юрмалалық «Спартакпен»тең түсіп, Чемпиондар лигасының келесі айналымына өтті

Бүгін УЕФА Чемпиондар лигасының  іріктеу кезеңі аясында «Астана» ФК өз алаңында юрмалалық «Спартак» клубын  қабылдады. Матч 1:1 есебімен тең аяқталды.

Қазақстандық клубтың шабуылшысы Патрик Твумаси ойынның 59-ші минутында Неругалдың қақпасына бағыттаған жойқын соққысымен есепті ашты.

Ал, кездесудің 72-ші минутында Эдгар Варданян «Астана»  қорғаушыларының қателігін оңтайлы пайдаланып есепті теңестірді.

«Астана» - «Спартак» 1:1

Бұл матчты тікелей эфирде көрсеткен «Kazsport» телеарнасы.