Василий Левит Олимпиада ойындарындағы алғашқы жекпе-жегінде жеңімпаз атанды

91 келіге дейінгі салмақта сынға түсетін қазақстандық боксшы Василий Левит Олимпиада ойындарындағы өзінің алғашқы жекпе-жегінде жеңімпаз атанды. Бокс турнирін екінші айналымнан бастаған 28 жастағы Левит қытайлық Венгкай Юмен қолғап түйістірді. Жекпе-жектің алғашқы минуттарынан бастап, отандасымыз басымдық танытып, қарсыласын жойқын соққылар астына алды. Нәтижесінде бірінші раундты айқын жеңді. Жекпе-жектің екінші раундында Қытай спортшысы шабуыл жасауға тырысқанымен, Левит дес бермей, оны нокаутқа жіберді. Алайда, қытайлық боксшы кездесуді ары қарай жалғастырды. Соған қарамастан, үшінші раунд алдында отандасымыздың есебіне техникалық нокаут жазылды.