Данияр Елеусіновтің қарсыласы анықталды

Бокстан Қазақстан құрамасының капитаны және 2013 жылғы Әлем чемпионы Данияр Елеусіновтің Рио Олимпиадасындағы алғашқы қарсыласы анықталды. Ол - британдық былғары қолғап шебері Джош Келли. Джош Келли өзінің алғашқы жекпе-жегінде Мысыр елінің спортшысы Мұхаммед Валидті 3:0 есебімен айқын жеңген. Елеусінов пен Келли арасындағы жекпе-жек 11 тамыз күні өтеді.