Пеле Олимпиада ойындарының жабылу салтанатына қатысуға уәде берді

Аты аңызға айналған футболшы, үш дүркін әлем чемпионы Пеле Рио-де-Жанейродағы Олимпиада ойындарының жабылу салтанатына қатысуға ниетті. «Мен физиотерапия жалғастырудамын және 21 тамыз күні мерекелік іс-шараның жабылуына қатысуға ниеттімін. Сіздерді жақсы көремін», - деп жазды әйгілі футболшы өзінің твиттер парақшасында. Бастапқыда Пелеге Олимпиада ойындарының ашылу салтанатында олимпиада алауын жағу ұсынылған болатын, алайда ол бүкіл әлем алдына сүйеніш таяғымен шығуды қаламады. Нәтижесінде 5 тамыз күні Олимпиада ойындарының ашылу салтанаты кезінде олимпиада алауын 2004 жылы Афинада өткен Олимпиада ойындарында марафон жүгіруде қола жүлде иеленген 46 жастағы Вандерлей Кордейру ди Лима жақты.