Германия Еуропа чемпионатының плей-офф кезеңіне шықты
Футболдан Германияда өтіп жатқан Еуропа чемпионатының екінші тур ойындары басталды. Топтық кезеңнің екінші тур ойындарының алғашқы күнінде А және В топтары ойнады.
Кезекті жарыс күні Хорватия мен Албания командалары арасындағы ойынмен басталып, кездесу 2:2 есебімен тең аяқталды. Енді екі құраманың да қоржынында бір-бір ұпайдан бар.
Келесі матч Штутгартта Германия мен Венгрия құрамалары арасында өтіп, алаң иелері 2:0 есебімен сенімді жеңіске қол жеткізді әрі 1/8 финалға жолдама алды. Германия құрамасы сапынан Джамал Мусиала мен Илкай Гюндоган нәтижелі соққылармен көзге түсті.
Ойын күнінің үшінші кездесуі Кельнде Шотландия мен Швейцария құрамалары арасында өтті. Матч 1:1 есебімен тең аяқталды.
