Пеле: Бразилия Олимпиада кезінде бүкіл әлемге өзінің ерекшелігімен танылды

«Бразилия бүкіл әлем өкілдерін құшақ жая қарсы алып, өзінің ерекше қасиеттерімен танылды. Біз Олимпиада кезінде атлетизм мен спорттық шеберліктің қайталанбас қызықты көріністерінің куәсі болдық. Сонымен қатар онда тосынсыйлар мен жұртты таң қалдырған жағдайлар да болды. Бұған қоса, мен Бразилияның футболдан құрамасының Олимпиада жеңімпазы атанғанын көргім келген еді. Менің арманым орындалды»,- деп жазды әйгілі футболшы өзінің тwitter-дегі парақшасында. Айта кетейік, Пеле – Халықаралық футбол федерациясының бағалауы бойынша, XX ғасырдың ең үздік футболшысы. 1999 жылы Халықаралық Олимпиада комитеті бразилиялық спортшыны оның осы уақытқа дейін бірде-бір рет Олимпиадаға қатыспағанына қарамастан жүзжылдықтың спортшысы деп бағалады, деп хабарлайды ТАСС.