Астана тұрғындары Рио Олимпиадасының жеңімпаздары мен жүлдегерлерін қарсы алды (ВИДЕО)

Жеңімпаздарды алдымен Астана әкімі Әсет Исекешев құттықтады. «Мен Олимпиададан оралған спортшыларымызды бүгінгі қуанышқа жиналған қалың көпшіліктің атынан шын жүректен құттықтаймын. Олар халқымыздың және осында тұрған ағайынның сенімін ақтады. Сіздер Рио төрінде ел намысын қорғадыңыздар. Сіздер біз үшін еліміздің нағыз батырларысыздар. Олимпиадалық жарыстар кезінде бүкіл республика халқы Сіздер үшін жанкүйер болды. Сіздер де намысты қолдан бермей, әлемдік деңгейдегі спорт додасында лайықты өнер көрсеттіңіздер. Сондықтан мен Сіздерді және жақындарыңызды осы үлкен жеңістеріңізбен құттықтаймын!» Ең бастысы, Сіздер мыңдаған жас жігіттеріміз бен қыздарымыздың спорт құдіретті күшке қызығушылықтарын ояттыңыздар. Осының барлығы біздің Елбасымыз Нұрсұлтан Назарбаевтың дені сау, мықты ұлт қалыптастыру жолындағы саясатында маңызды рөл атқарады»,-деген еліміздің бас шаһарының басшысы Рио төріне елордадан аттанған бірқатар спортшыларға көлік кілттерін табыс етті.