Бүгін «Қазақстан Барысы» турнирін «Қазақстан» және «Kazsport» арналары тікелей эфирде көрсетеді

ҚР Президенті Н.Ә.Назарбаевтың жүлдесі үшін қазақ күресінен VII республикалық «Қазақстан барысы» турнирін «Қазақстан» және «Kazsport» арналары тікелей эфирде көрсетеді. Финалдық кездесулер бүгін елордадағы «Барыс Арена» спорт сарайында өтеді. Соңғы кезеңге 34 спортшы шығады. Жарыстың жүлде қоры – 50 миллион теңге көлемінде. Сондай-ақ, турнирде жылсайынғы дәстүр бойынша көрермендер мен жанкүйерлер арасында автокөлік ойнатылады. «Қазақстан» және «Kazsport» арналарындағы көрсетілімнің басталуы: 13:00-де.