«Астана» Чемпиондар Лигасының екінші кезеңінде «Маккаби Тель-Авивке» қарсы ойнауы мүмкін

Швейцарияның Ньон қаласында 2019/2020 жылғы Чемпиондар лигасының екінші іріктеу кезеңінің жеребе тарту рәсімі өтті.

Жеребе қорытындысына сәйкес «Астана» - «ЧФР Клуж» (Румыния) жұбының жеңімпазы «Маккаби Тель-Авивке» (Израиль) қарсы ойнайтын болады. 

Екінші кезеңнің кездесулері 23-24 шілде және 30-31 шілде күндеріне жоспарланған. 

Естеріңізге сала кетейік, «Астана» 2017/2018 жылғы Еуропа Лигасының топтық кезеңі аясында «Маккаби Тель-Авивке» қарсы ойнап, өз алаңында 4:0 есебімен жеңсе, Израильдегі кездесуде 1:0 есебімен басым түскен болатын.