Париж Олимпиадасының ресми логотипі таныстырылды

Олимпиада ойындарының ұйымдастыру комитеті 2024 жылғы Олимпиада ойындарының логотипін таныстырды. Төрткүл дүние көз тігетін айтулы аламан Париж қаласында өтеді. 

Логотипте олимпиада алауы алтын медаль үстінде бейнеленген. Дизайнерлердің айтуынша, алтын жүлде - спорт символы, алау - Олимпиада нышаны, Марианна - Франция елінің символы. 

Париждіктер араға 100 жыл салып, Олимпиада ойындарын қабылдайды. 

Естеріңізге сала кетейік, Париждегі жазғы ойындар 26 шілдеде басталып, 11 тамызда аяқталады. Паралимпиада 28 тамыз бен 8 қыркүйек аралығында өтеді.