Жәнібек Әлімханұлының кезекті қарсыласы белгілі болды

"WBO Global" және "WBC Continental Americas" чемпиондық белбеулерінің иегері Жәнібек Әлімханұлы 9 қараша күні Фресно қаласында шаршы алаңға шығады. Отандасымыздың қарсыласы - канадалық Альберт Онолуносе (24-2-1 8КО).

Отандасымыз тамыз айында канадалық Стюарт Маклелланды 5-раундта тізе бүктіріп, өзіне тиесілі белбеулерді сәтті қорғады.

АҚШ-тағы бокс кешінің басты бәсекесінде Джеймел Херринг пен Ламонт Роуч жұдырықтасады. Сондай-ақ, Кубрат Пулев пен Райдел Букер ауыр салмақтағы IBF титулын сарапқа салады.