Алматылық ару бодибилдинг бәсекесінде 5-орынға ие болды

Алматылық Дина Баймахан Ригада өткен «World Fit Model Championships — 2019» турнирінде 5-орынға ие болды. Жарысқа аттанбас бұрын: «Менің мақсатым - үздік бестікке кіру»,-деген болатын. 

Бұрымдылар бәсекесінде әлемнің 50 елінің өкілдері бақ сынады. Бағы мен бабы қатар шапқан 6 спортшы жеңіс тұғырынан көрінді. Отандасымыздың өнерін қазылар алқасы жоғары бағалады. 

Бұл спортпен кәсіби түрде шұғылданғанына небары 1 жыл болса да, біраз шыңдарды бағындырып үлгерген. 1 жылдың ішінде ел біріншілігінде топ жарып, Әлем кубогінде жүлделі 2-орынға ие болды. Алғашқы әлем чемпионатында 5-орынға тұрақтап, жылды сәтті қортындылады. 

Ел арасында «фитнес-келін» атанған алматылық Дина Баймаханды жеңісімен шын жүректен құттықтаймыз!