"Masters" турнирін «QAZSPORT» тікелей эфирде көрсетеді

Бүгін әлемнің мықты дзюдошылары қатысатын "Мастерс" халықаралық жарысы басталады. Кіші әлем чемпионатына баланатын турнир 12-14 желтоқсан аралығында Қытайдың Циндао қаласында өтеді.

Жылдың қорытынды жарысы 2010 жылдан бастап өткізіліп келеді. Халықаралық дзюдо федерациясының ережесіне сәйкес, жарыс жеңімпаздарына әлем рейтингінде 1800 ұпай, күміс жүлдегерге – 1260 ұпай, ал қола жүлдегерге – 900 ұпайдан қосылады.  Айтулы аламанда ел намысын 9 спортшы қорғайды.

Елдос Сметов (60 кг)

Ғұсман Қырғызбаев (60 кг)

Елдос Жұмақанов (66 кг)

Ерлан Серікжанов (66 кг)

Жансай Смағұлов (73 кг)

Дидар Хамза (81 кг)

Ислам Бозбаев (90 кг)

Әйелдер:

Отгонцэцэг Галбадрах (48 кг)

Севара Нишанбаева (57 кг)

Көрші елде өтетін айтулы аламанды "QAZSPORT" телеарнасы тікелей эфирде көрсетеді.