«Қайрат» - футзалдан Қазақстан Кубогінің иегері

18 желтоқсанда футзалдан Қазақстан кубогінің финалы өтті. Шешуші кездесуде алматылық «Қайрат» талдықорғандық «Жетісу» клубын 4:3 есебімен жеңді. 

Ойында есепті ирандық Хоссейн Тайеби ашты. Дәурен Нұрғожин жетісулықтардың қақпасына екінші допты соқты. Эвертон  есеп айырмасын қысқартқанымен, Диего "Жетісу" қақпасына үшінші голды соқты. Тимур Балтабаев талдықорғандықтар үшін екінші голды салып, қайраттық Біржан Оразов та мергендігімен көзге түсті. Ойындағы соңғы голдың авторы - Эвертон. Осылайша матч 4:3 есебімен аяқталып, "Қайрат" Қазақстан кубоігінің иегер атанды.

«Қайрат» - «Жетісу» - 4:3 (2:0)

Голдар: Тайеби 7, Дәурен Нұрғожин 11, Диего 24, Біржан Оразов 29 - Эвертон 22, 34, Тимур Балтабаев 25

Фото: ҚФФ