Нұр-Сұлтан қаласында 2021 жылғы Азия кубогіне іріктеу кезеңінің алғашқы ойындары өтеді

21 ақпан күні елордада 2021 жылы өтетін Азия кубогінің іріктеу турнирі басталады. Аталмыш доданың алғашқы айналымында Қазақстан құрамасы өз алаңында қос кездесу өткізеді.

Отандастарымыз Иордания, Палестина, Шри-Ланка сынды командалармен бір топта өнер көрсетеді.

Жарыстың бірінші күні жерлестеріміз Палестина баскетболшыларымен бақ сынасса, араға 3 күн салып иорданиялықтармен кездеседі.

Ұлттық құрама сары құрлық жарысына жолдама алады деп үміттенеміз. Ел құрамасының бас жаттықтырушысы Эмиль Райковичтің жорығы жемісті боларына сенім мол.

Естеріңізге сала кетейік, македониялық маман Қазақстан құрамасына былтыр келді. Ол өткен маусымда "Астана" баскетбол клубымен өте жақсы нәтиже көрсетіп, ВТБ лигасының үздік бапкері атанған еді.