Australian Open -2020: Михаил Кукушкин мен Александр Бублик жарысты аяқтады

Австралияның Мельбурн қаласында теннистен дәстүрлі Australian Open -2020 турнирі өтіп жатыр. Қазақстандық теннисшілер Александр Булик пен Михаил Кукушкин жұптасып өнер көрсетіп, жартылай финалға дейін барды.

Олар финалға жолдама алу үшін халықаралық дуэт Джо Солсбери және Раджив Раммен күш сынасқан еді. Алғашқы сетті сәтті бастаған отандастарымыз қалған кезеңдерде қарсыластарына жол берді. Есеп - 2:1.

Жерлестерімізді қапы қалдырған америкалық пен ұлыбританиялық теннисшілер финалда австралиялық спортшылар Макс Перселл мен Люк Сэвиллмен таласқа түседі.