"Реалдың" да, "Барселонаның" да жейдесін киген футболшылар кімдер?

Көктемнің алғашқы күні төрткүл дүние көз тігетін эль-Класико өтеді. Футбол жанкүйерлері 90 минут бойы әлемнің қос мықтысының ойынына куә болмақ. "Сантьяго Бернабеуде" өтетін ойынды "QAZSPORT" телеарнасы тікелей эфирде көрсетеді.

Екі командада да әлемнің үздік ойыншылары өнер көрсетеді. "Барселона" соңғы жылдары испан додасын бірнеше рет жеңгенімен, корольдік клуб 5 жыл ішінде Чемпиондар лигасын 4 мәрте ұтты. Сонымен қатар клубтар бір-бірімен трансферлік байланыс орнатпауға тырысады. Алайда футбол тарихында қос ұжымның да жейдесін киген футболшылар аз емес.

ХХ ғасырдың басында екі клубтың да намысын қорғаған алғашқы ойыншы - Альфонсо Альбениз. "Эль-Класико" нағыз тартысқа айналған шақта ауысқан ойыншылар қатарында Лаудруп, Луиш Фигу, Хавьер Савиола, Луис Энрике бар. Луиш Фигу "Реал" сапына ауысқаннан кейін алғашқы матчта "Барселона" жанкүйерлері португалиялық ойыншыны жануарға теңеп, балағаттап, ойынға кедергі жасаған еді.

Сондай-ақ араға жыл салып, тікелей ауыспаған ойыншылар қатарында Роналдо, Альберто Селадес, Это’о бар.

Эль-Классико туралы қандай қызыты деректер білесіз? Ең қызықтыларын парақшамызда жариялауға дайынбыз.