«Барыс» плей-офф кезеңінің екінші кездесуінде жеңіліс тапты

ҚХЛ-ның плей-офф кезеңі аясындағы «Металлургпен» өткен екінші матчта «Барыс» жаттықтырушылары негізгі құрамды алғашқы ойыннан еш өзгеріссіз қалдырған болатын. Кездесу басталысымен екі команда да тартысты ойын көрсетті. Соған қарамастан бірінші кезеңде есеп ашылған жоқ. Екінші кезеңде де «Металлург» алға қарай ұмтылды. Нәтижесінде ресейлік команда ойынның 24-минутында Андрей Нестрашилдің көмегімен есеп ашты. Араға небәрі 3 минут өткен соң Сергей Мозякин есепті еселей түсті. Ал 36-минутта Андрей Нестрашил дубль авторы атанып, ойынның нүктесін қойды. Үшінші кезеңде «Барыстың» белсенділігі байқалғанымен, есеп ашылмады. 

Естеріңізге сала кетейік, қос команда арасындағы алғашқы кездесуде «Барыс» 4:0 есебімен жеңіске жеткен еді.

Келесі ойындар 5 және 7 наурыз күндері Магнитогорск қаласында өтеді.

Фото: hcbarys.kz