Теннистен Luxembourg Open турнирі кейінге шегерілді

Теннистен Luxembourg Open турнирі коронавирус пандемиясына байланысты өткізілмейтін болды.

Жарыс ұйымдастырушыларының мәлімдеуінше аталған дода 2021 жылдың күзінде өтуі мүмкін.

Айта кетерлігі, теннис маусымы наурыз айынан бері тоқтап тұр. Мамандар мұндай үзілісті тамыз айына дейін жалғасуы мүмкін деп болжауда. WTA Premier турнирі саналатын Люксембург ашық чемпионаты Кокельшойерде 19-25 қазан айында өтуі тиіс еді.

Қазіргі жағдайды ескеріп ұйымдастырушылар жанкүйерге үміт сыйламай, жарысты бір жылға кейінге шегеру туралы шешім қабылдаған.

Дереккөз: Olympic.kz